Россиялик сиёсатчи Владимир Жириновский СССРнинг собиқ президенти Михаил Горбачёвни судга берди. Бу ҳақда “Московский комсомолец” нашри хабар берди.
Жириновский Горбачёвдан маънавий зарарни қоплаш учун 1 млн рубль ундириб беришни талаб қилмоқда.

Горбачёв ўзининг “Кремлдан сўнг” китобида Жириновский ҳақида ёзганлари, сиёсатчининг фикрича, ҳақорат деб баҳоланиши керак.
Хусусан, китобда Жириновский экстремистик шиорлар илгари суриш ва бошқа провокацияларни уюштиришда айбланган.
Даъвогар, жарима тўланишидан ташқари, раддия эълон қилинишини ҳам талаб қилмоқда.