Россия ташқи ишлар вазири Сергей Лавровнинг айтишича, ИШИД жангариларида оммавий қирғин қуроллари борлиги бўйича тахмин қилишга асослар мавжуд.

"Жангарилар Ироқ ва Сурия ҳудудида террористик давлат ташкил этишди. Бу давлат мустабидона бошқарув тизимига, барқарор молиявий манбаларга ва яхши тайёргарликдан ўтган армияга эга. Уларда шунингдек, оммавий қирғин қуроллар борлигидан дарак берувчи белгилар мавжуд", дейди Лавров БМТ Бош ассамблеяси доирасидаги йиғилишда.