Республикачилар томонидан таклиф қилинган АҚШнинг 2016 молиявий йилдаги мудофаа бюджети лойиҳаси Вашингтонда Украинага қурол-яроғ, шу жумладан, юқори аниқликдаги танкларга қарши комплекслар етказиш имконини қолдиради.

Бу ҳақда АҚШ сенатори Жон Маккейн ТАСС мухбири билан суҳбатда айтиб ўтди.
“Javelin танкларга қарши комплекси энг муҳим қуроллардан бири бўлиб, уни биз етказиб беришимиз лозим”, - деди у.

Маккейннинг партиядоши Мэк Торнберри, ўз навбатида, таклиф қилинган лойиҳа Конгрессда ҳам қўллаб-қувватланаётганини маълум қилди.