Моуриньо: Мағлубият билан тугаган яхши ўйинни таҳлил қилиш қийин

Спорт 30 Сентябрь 2015 1421

"Челси" клуби бош мураббийи Жозе Моуриньо "Порту"га (1:2) қарши кечган Чемпионлар лигаси ўйинидан кейин ўзининг фикрлари билан ўртоқлашди.

"Ўйинда футболчилар яхши ҳаракат қилишди. Икки марта хато қилганимиз бизнинг ёмон ўйнаганимизни англатмайди. Ёки иккита тўп ўтказиб юборганимиз ҳимоядаги камчиликларимизни кўрсатмайди.

Менимча, шогирдларимни танқид қилиш керак эмас. Менимча улар яхши ўйин кўрсатишди.

"Порту" - қаттиқ тошёнғоққа ўхшади. Уларга ЕЧЛ муҳити кўтаринки кайфият бағишлаган. Маҳаллий мухлислар ҳам ўз севимларини қизғин қўллаб-қувватлаб туришди ва рақибларнинг ўйинини қийинлаштирди.

Қолаверса, мен ўзининг собиқ жамоасига қарши ўйин ўтказаётган мураббий ролида эдим. Кўрган бўлсангиз, мен Виллианнинг голини нишонламадим ҳам.

Менимча, "Порту" бизнинг гуруҳдаги энг кучли жамоа эмас. Улар вақтинчи биринчи ўринда туришибди. Биз яна ўрнимизга қайтамиз.

Реми ва Фалькаонинг ўйин қайдномасига киритилмагани уларнинг спорт формаси билан боғлиқ. Уларни жазоламадим.

Агар жамоа кетма-кет очколарни йўқота бошласа, демак қайдайдир қарор қабул қилиш керак. Бугунги ўйинни таҳлили қилиш анча қийин.

Ҳозир жамоа ўзига келиши керак. АПЛдаги иккита ўйинни ўз уйимизда ўтказамиз ва иккисини ҳам ютишимиз лозим.

Тўғри, бунинг учун футболчиларни руҳлантириш ва ўзларига бўлган ишончни қайтариш керак. Аммо, бу иш осон эмас", - дейди Моуриньо.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44416 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 61774 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34141 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19312 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 73809 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59898 Жамият
Навоий вилоятида қўшмачи эркак қўлга олинди
16:45 1135 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Араб коалицияси Ямандаги меҳмонхонага авиазарба берди
16:35 737 Жаҳон
Кўпроқ янгиликлар