Пентагоннинг Россия ва Украина йўналишидаги куратори Эвелин Фаркас истеъфога чиқарилади, дея хабар берди Politico АҚШ ҳарбий қўмондонлигидаги ахборот манбасига таяниб.

Фаркас мазкур лавозимда беш йил давомида фаолият кўрсатди. У ўз ишини октябрь ойи сўнгида расман якунлайди. Қайд этилишича, куратор Россиянинг Украинага нисбатан сиёсатига жавоб чоралари, шунингдек, Киевга молиявий ёрдам кўрсатиш имкониятларини кўриб чиқиш билан шуғулланган.

Шу билан бирга, Фаркаснинг саъй-ҳаракатлари билан Черногориянинг НАТОга аъзо бўлиши масаласи кўриб чиқилмоқда, Кавказорти давлатлари, айниқса Грузия билан АҚШ ҳарбий алоқалари мустаҳкамланди.

Нашр ахборот манбаларидан бирининг маълум қилишича, Фаркаснинг истеъфога чиқиши Барак Обама маъмурияти учун яна бир бош оғриғи бўлиб, унинг ўрнига мақбул номзодни топиш мушкул масала.