Модельер Ральф Лорен ўзи асос солган Ralph Lauren Corporation компанияси раҳбарлигидан кетади. Бу ҳақда The New York Times хабар берган.

Унинг ўрнига бундан олдин H&M и Gap компаниясида раҳбар лавозимида ишлаган Стефан Ларссон келиши айтилган.
Маълум қилинишича, Лореннинг бу қарорига компания даромадлари пасайиб кетгани сабаб бўлди.

Дизайнер компания директорлари кенгаши таркибида қолиши ёки янги ғоялар бўлимида ишлаши мумкин.

"Менимча, бу бир қадам ортга чекиниш эмас, фаолиятдаги янги босқичдир", дейди у.

Маълумот учун, Ральф Лорен ўз компаниясига 1996 йилда асос солган. 2014 йил якунларига кўра, компания даромади 7,4 млрд долларни ташкил этган. Операцион фойда 1,1 млрд долларга тенг бўлган. Компания активлари баҳоси 6 млрд доллар, хусусий капитал эса 4 млрд долларга тенг бўлган.