Россиялик марҳум хонанда Жанна Фрискенинг отаси Владимир журналистларга оилада давом этаётган жанжал ҳақида гапириб берди.
Владимир Фриске хонанданинг турмуш ўртоғи Дмитрий Шепелев билан келиша олмаяпти. Улар орасидаги келишмовчилик матбуотда кенг ёритилмоқда.

Бу сафар Владимир Фриске Шепелевнинг бирор марта ҳам қизининг қабрига бормаганини, шунингдек, марҳум хонанданинг ҳисобидан уй қурганини маълум қилди.
Фрискенинг таъкидлашича, Шепелев Жаннага илиқ муносабатда бўлмаган, ундан фойдаланишга интилган. Жанна унга барча маблағларини ишониб топширган, бундан фойдаланган Дмитрий пулларни ўзи билганича сарфлаган, жумладан, ўзига уй қуриб олган.

“Жаннанинг аҳволи ёмонлашган пайтлари Дмитрий ҳар кеча унга қанақадир ҳужжатлар олиб келиб, имзолатарди. Мен қизимга бу ҳужжатларни имзоламасликни маслаҳат бердим. Ана шундан сўнг муаммолар бошланди. Дориларга пул етмай қолди тўсатдан. Биз Дмитрий Жаннага бошқа дорилар бериши мумкинлигидан қўрқиб қолдик.

Бир куни у ҳатто: “Тезроқ ҳаммаси тугаса эди, жуда жонимга тегди!”, деди, мана шундан сўнг қўрқувларимиз ортди”, - деди Жаннанинг отаси журналистлар билан мулоқот чоғида.
Айни кунларда журналист Дмитрий Шепелев марҳум рафиқасининг оиласига ўғлини кўришга рухсат бергиси келмаяпти. Ҳозирча Владимир Фриске набирасини ойига бир марта кўриши мумкин, шунда ҳам болага қўриқчи бириктирилади.