Гуанси-Чжуан автоном тумани (Хитой жануби)даги Лючжоу шаҳар округи Лючэн уездида содир бўлган кетма-кет портлашлар натижасида ҳаётдан кўз юмганлар сони олти нафарга етди. Xinhua агентлигининг хабар беришича, беш киши воқеа жойида, яна бир киши эса шифохонага элтиш чоғида ҳаётдан кўз юмган.

Сўнгги маълумотларга қараганда, тезкор етказиб бериш посилкаларига ўрнатилган 15та портловчи қурилма ҳаракатга келтирилган. Портлашлар содир бўлган жойлар орасида савдо маркази, қамоқхона, Дапу посёлкаси маъмурияти, супермаркет, автотураргоҳ, шифохона ва бозор мавжуд. Хабар қилинишича, портлаш натижасида Дапудаги бир бинога шикаст етган, бир қанча автомобиллар зарарланган.

Жароҳат олганларнинг аниқ сони эълон қилинмади, аввалроқ эса уларнинг 13 нафар экани хабар берилган эди. Полиция ҳодиса тафсилотларини ўрганмоқда.