Ҳар йили 1 октябрь санасида Хитойдаги энг асосий давлат байрами — Хитой Халқ Республикаси ташкил топган кун кенг нишонланади. 1949 йилнинг айни шу санасида Пекиндаги Тяньаньмэнь майдонида бўлиб ўтган митингда ХХР ташкил топгани эълон қилинган эди. 2 октябрда эса марказий ҳукумат 1 октябрни миллий байрам сифатида нишонлаш тўғрисида қарор қабул қилди.


Хитой Халқ Республикаси ташкил топган куни байрами беш кун давомида нишонланиб, мазкур ҳафта Хитойдаги икки “Олтин ҳафта”дан бири сифатида қарши олинади. 1 октябрда пойтахтдаги марказий майдонларда халқ сайиллари ўтказилиб, кечқурун мушакбозликлар ташкил этилади.


Шунингдек, шаҳарлар жонли гуллар билан безатилади. Мазкур байрамни томоша қилиш истагидаги хорижлик сайёҳлар учун туризм соҳаси вакиллари хилма-хил саёҳат дастурларини таклиф этишади.