Intel компанияси McAfee антивирус ишлаб чиқарувчиси билан биргаликда интернетдаги “энг хавфли” машҳур одамлар рўйхатини эълон қилди. Шу машҳур одамларнинг номидан фойдаланган фирибгарлар қидирув сайтларига вируслар жойлаштиришган.

Рўйхатнинг биринчи ўрнида диджей Армин Ван Бюрен турибди. Унинг номи билан 17,92 фоиз зарарли сайтларга кириб қолиш мумкин. Ундан кейинги ўринларда эса, кантри-мусиқачи Люк Брайан (17,64 фоиз), Ашер (16,67 фоиз), Бритни Спирс (16,39 фоиз) ва Jay-Z (15,83 фоиз) туришибди. Мусиқачилардан ташқари рўйхатда актрисалар Эми Шумер, Бетти Уайт ва Нина Добревлар бор.

Маълум бўлишича, мусиқачиларнинг мусиқасини излаш натижасида ана шундай зарарли сайтларга кириб қолиш мумкин. Фирибгарлар айнан шу нарсадан умид қилишмоқда.