Россия ташқи ишлар вазири Сергей Лавров Россиянинг Суриядаги ҳаракатлари борасида Пентагон айтаётган гапларга қулоқ солмаслик лозимлигини айтди, деб хабар бермоқда РИА “Новости” ахборот агентлиги. Лавров буни АҚШ ОАВлари вакилларига маълум қилди.    

“Ҳаммаси ҳақида Россия Мудофаа вазирлиги маълумот берди, бизнинг авиазарбалар ҳақида Пентагоннинг гапларига қулоқ солманг”, деб айтди Лавров.

Аввалроқ Пентагон ихтилофларга келмаслик учун Сурияда Россия ҳарбий-ҳаво кучларидан фойдаланиш борасида суҳбат ташкил этишни таклиф қилганди. 

30 сентябрь куни Россия Федерация Кенгаши бир овоздан Владимир Путиннинг Россия қуролли кучларидан хорижда фойдаланиш борасидаги мурожаатини маъқуллади.