Йил бошида Москва Миграция маркази (Сахарово) Москва шаҳри ҳудудида ишлаш ҳуқуқини берувчи 350 минг дона патент чиқарганди. Шу муносабат билан Марказ раҳбарияти 350 мингинчи чет эллик мижозни аниқлаш ва унга эсдалик совғаси топширишга аҳд қилди. Бу мижоз Ўзбекистон фуқароси, 30 ёшли Шарафулина Эльвира бўлиб чиқди. Шарафулина Москвадаги тармоқли ресторанлардан бирида оператор бўлиб ишлайдиган бўлди. У хизматнинг тезкорлиги ва Марказ ходимларининг илтифотлигини эътироф этди.

Шунингдек Марказ патент олишга келган яна беш нафар чет эллик фуқарога эсдалик совғаларини топширди. Улар: Ўзбекистондан Қосимов Мақсад (нонвой), Эдимов Расул (монтажчи), Харьков вилоятидан Головко Юлия (официант), Донецк вилоятидан Горохова Ирина (тозалик хизмати мутахассиси) ҳамда Украина фуқароси Ковкив Алла (сотувчи)лардан иборат.

Шуни маълум қилиш керакки, Марказ 9 ой давомида “ягона дераза” режими остида ишлаб, патент олиш учун 387 минг ариза қабул қилган эди.