Афғонистон қуролли кучлари Толибон ҳаракати томонидан эгаллаб олинган Қундуз шаҳрини озод қилди. Бу ҳақда Reuters агентлиги хабар бермоқда.
Айтилишича, охирги бир неча соат давомида хавфсизлик кучлари йирик ҳужум амалиётини ўтказиб, шаҳарнинг асосий қисмини назорат остига олган.

Қундузни Толибондан озод қилишга ҳаракатлар сешанба куни бошланган эди. Чоршанба куни Қундуз атрофидаги тўқнашувларга НАТО махсус кучлари ҳам қўшилди. АҚШ ҳарбий ҳаво кучлари экстремистларнинг позицияларига зарбалар берди.