Ўтган ҳафта мобайнида Ўзбекистон ҳудудида 276та ёнғин қайд этилди, деб хабар берди Ўзбекистон Республикаси Ички ишлар вазирлиги.

Турли сабабларга кўра содир бўлган ёнғинларда 3 нафар фуқаро тан жароҳатлари олишган ва 2 нафар фуқаро ҳалок бўлган.

Ушбу ёнғинларда 1 млрд. 302 млн. сўмдан ортиқ қурилиш конструкциялари ва 1 млрд. 33 млн. сўмга яқин моддий бойликлар ёнғиндан сақлаб қолинган.

Тошкент вилояти Паркент туманида яшовчи фуқаро О.Олимовнинг уйида ёш болаларнинг шўхлиги оқибатида ёнғин содир бўлиб, уйнинг 70 кв. метр майдонда томи, шифт қисми ва уй жиҳозлари ёниб зарарланган.

Хоразм вилояти Хонқа туманида яшовчи фуқаро А.Бахтиёровнинг уйида очиқ оловдан фойдаланишда эҳтиётсизлик оқибатида ёнғин содир бўлиб, уйнинг 85 кв. метр майдонда том қисми ва ғамлаб қўйилган хашак ёниб зарарланган.

Бухоро вилояти Шофиркон туманида яшовчи фуқаро Н.Анваровнинг уйида электр симларнинг қисқа туташуви натижасида ёнғин содир бўлиб, уйнинг 100 кв. метр майдонда томи, шифт қисми ва уй-жиҳозлари ёниб зарарланган.