Украина президенти Пётр Порошенконинг маъмурияти томонидан маълум қилинишича мамлакатга АҚШ президенти Барак Обама расмий ташриф билан келиши мумкин. Президент маъмурияти бошлиғи Константин Елисеевнинг УНН нашрига берган маълумотига кўра, Обама шу йил охиригача Украинага келиши кутилмоқда.

Унинг қўшимча қилишича, Порошенко АҚШ президентидан ҳам таклиф олган.

"Биз ҳозир ушбу ташриф муддати бўйича иш олиб бораяпмиз. АҚШдагилар ҳам Барак Обаманинг иш графигини кўриб чиқмоқда. Бизнингча, бу ташриф шу йилдан кечиктирмасдан амалга оширилиши керак", дейди Константин Елисеев.