Россия самолётларининг Сурияда “ИШИД” позицияларига берган авизарбалари натижасида жангариларга тегишли қўмондонлик пунктлари йўқ қилинди, деб маълум қилинди Россия Мудофаа вазирлигида.

“Бугун Россия ҳарбий-коинот кучлари самолётлари Сурия Араб Республикаси ҳудудида “ИШИД” террорчилик гуруҳининг 8 та позициясига аниқ зарбалар берди. 20 га яқин парвозлар амалга оширилди”, деб айтди Россия Мудофаа вазирлиги расмий вакили генерал-майор Игорь Конашенков.

“ИШИД” жангариларига тегишли ҳарбий техника, транспорт воситалари, қурол-аслаҳа, ўқ-дори ва ёқилғи-мойлаш омборлари зарбага учради. Тоғли ҳудудда жангарилар тузилмаларини бошқариш қўмондонлик пунктлари бутунлай йўқ қилинди”, деб қўшимча қилиб ўтди Конашенков.

Конашенковнинг таъкидлашича, барча зарбалар ҳаво разведкаси ўтказилгандан ва Сурия армияси штабидан олинган маълумотлар аниқлаштирилгандан кейин амалга оширилган. Фуқаролик инфратузилмалари объектларига қарши ва улар яқинида Россия самолётлари қуролларидан фойдаланилмаган.

Россия Мудофаа вазирлиги зарбалар берилиши ҳолати акс этган видеолавҳаларни намойиш қилди.