Тошкентда кадастр ходими 800 доллар пора билан қўлга тушди. Бу ҳақда “Огоҳ” нашри ёзмоқда.

Айтилишича, 2015 йилнинг март ойида фуқаро Дилмурод Кабиров Шайхонтоҳур туманида жойлашган уйига туман ҳокимининг эгалик ҳуқуқини белгилаш ҳақида қарор чиқарилиши ва кадастр ҳужжатларини расмийлаштириш мақсадида мазкур хизмат билан шуғулланувчи идора бўлимига келган. У ерда муҳандис лавозимида ишлаб келаётган Нурмат Ҳабибов хизматлари эвазига дастлаб минг доллар сўраган, сўнг “нархини” 800 долларга туширган.
Дилмурод Кабиров амалдорга 200 доллар ташлаб кетган, лекин вақт ўтиши билан хатосини тушуниб етган ва тегишли идораларга мурожаат қилган. Натижада порахўр ундан 600 доллар олаётган чоғда қўлга олинди.

Шундай бўлса-да, суд кўплаб омилларни инобатга олган ҳолда жарима жазоси билан чекланишга қарор қилди.