Microsoft компанияси яқин уч йилда Мексикада таълимий ва ижтимоий дастурларни ривожлантириш учун 1 млрд доллар ажратади. Бу ҳақда Лотин Америкаси давлати президенти Энрике Пенья Ньето ҳамда дунёдаги энг йирик дастурий таъминот ишлаб чиқарувчисининг бош ижрочи директори Сатья Наделла ўртасида бўлиб ўтган учрашувдан сўнг хабар қилинди.

“Учрашув жараёнида томонлар Microsoft компаниясининг Мексикадаги сўнгги 20 йиллик позициясини ривожлантириш ва мустаҳкамлаш, бутун дунёда телекоммуникацияни тараққий эттириш истиқболларини муҳокама қилишди”, - дейилади Мексика президенти маъмурияти хабарида.

Президент Microsoft раҳбарига Мексикада амалга оширилаётган электрон таълим соҳасидаги турли лойиҳаларда иштирок этаётгани учун ўз миннатдорчилигини билдирди.