Ўзбекистоннинг Навоий тоғ металлургия комбинатига тегишли Навоий машинасозлик заводи 2015 йил охирига қадар мева-сабзавот маҳсулотларини қайта ишлашга мўлжалланган ускуналар тўпламини ишлаб чиқаришни йўлга қўймоқчи. Бу ҳақда корхона вакилларига таянган ҳолда Sputnik агентлиги хабар бермоқда.

Айтилишича, завод мутахассислари ишлаб чиқариладиган маҳсулотлар конструкцияларини маҳаллий шарт-шароитлардан келиб чиққан ҳолда ўзлари ишлаб чиқишган.

Бугунги кунда хориждан импорт қилинаётган муқобиллар нарх ва мураккаблиги жиҳатидан маҳаллий маҳсулотга дош бера олмаслиги айтилмоқда. Таъкидланишича, хорижий ишлаб чиқарувчиларнинг етказмалари Ўзбекистон иқлимига ва шароитларига мослашмаган.
Бир неча йилдан сўнг маҳаллийлаштириш даражаси амалдаиг 30-35 фоиздан 100 фоизга етказилиши маълум қилинди.