Исроил бош вазири Биньямин Нетаньяху Эроннинг қитъалараро баллистик ракеталари нафақат Исроилга, балки Европа ва АҚШга ҳам йўналтирилганига ишончи комиллигини айтди. Бу ҳақда РИА “Новости” ахборот агентлиги маълум қилди.

Нетаньяху бу ҳақда БМТ Бош ассамблеясидаги нутқида айтиб ўтди.

“Эрон фақатгина Исроил учун хавф ҳисобланади, деб ўйламанганлар. Эрон, шунингдек, ядровий жанговор каллакларга эга қитъалараро баллистик ракеталари ҳам қурмоқда. Эронда Исроил ҳудудига ета оладиган ракеталар бўлган эди, шунинг учун Эроннинг бу ракеталари нафақат бизга, балки сизга, Европа ва АҚШга ҳам йўналтирилган”, деб таъкидлаб ўтди Нетаньяху. 

Август ойида Эрон “ер-ер” синфидаги янги ракетани намойиш қилган эди. Эрон ҳукуматининг айтишича, бу ракеталар тинчлик ва самарали музокаралар гарови ҳисобланади.