АҚШнинг Орегон штати Дуглас округи полиция шерифининг маълумотларига кўра, штатда жойлашган Роузберг шаҳридаги Umpqua Community College коллежида юз берган отишмада 9 киши ҳалок бўлган. Бу ҳақда Reuters ахборот агентлиги маълум қилди.      

Бундан ташқари, отишмани содир этган эркак ҳам ўлдирилган. ОАВ маълумотларига кўра, воқеа жойида милтиқ ва учта тўппонча топилган.  

Коллеждаги отишмада, шунингдек, 7 киши яраланган.

АҚШ президент Барак Обама охирги пайтда бундай ҳолатлар кўпайиб кетгани туфайли қурол ҳақидаги қонунни ўзгартириш зарурлигини таъкидлаб ўтди.

Обаманинг айтишича, қотиллик оддий ҳолга айланиб қолган ва бунга чек қўйиш керак.