Қатар амири шайх Тамим бин Ҳамад ат-Таний минтақада суннийлар ва шиалар ўртасида реал низо борлигини инкор қилди. Унинг таъкидлашича, бундай келишмовчилик сиёсий манфаатлар ва ижтимоий муҳит билан тушунтирилиши лозим.

“Минтақада турли динлар мавжуд, аммо, менимча, шиа ва сунний ихтилофи мамлакатларнинг сиёсий манфаатларидан келиб чиқмоқда”, - деди у БМТ Бош Ассамблеяси 70-саммитидаги чиқишида.

“Мавжуд баҳслар, ўйлашимча, сиёсий, ёҳуд араб-эрон фарқига асосланади, аммо суннийлар ва шиалар қарама-қаршилиги ҳақида гапириб бўлмайди”, - таъкидлади ат-Таний.