Жорий йилнинг мартида Япония ҳукумати томонидан тақдим этилган кичик кўламли ижтимоий дастури доирасида грант шартномалари имзоланганди.

Ушбу келишувга кўра, Самарқанддаги Ногиронлар минтақавий реабилитация марказини замонавий тиббий жиҳозлар билан таъминлаш кўзда тутилганди.

Қисқа муддат ичида зарур ускуналар тиббиёт марказига олиб келинди ва ўрнатилди.

Эндиликда марказдаги беморлар учун хизмат кўрсатиш шароитлари яхшиланган.

"Беморлар ультратовушли терапия, марказ томонидан малакали шифокорлар тайинланиши эвазига жарроҳлик амалиётисиз даволанмоқда.

Тиббиёт марказига келтирилган яна бир замонавий қурилма лимфодренаж бўлиб, у орқали соғлом одамларда сурункали вена касаллигининг намоён бўлишини аниқлашга хизмат қилади. Шунингдек, уни ҳар куни қўллаш орқали оёқлардаги оғриқлар йўқотилади", дейилади марказ хабарида.

Маълум қилинишича, марказга жами 109,5 минг долларлик замонавий тиббий техника анжомлари келтирилган.