Швеция ҳукумати 2015 йилда рекорд даражадаги қочқинларни кутмоқда, деб хабар бермоқда Reuters ахборот агентлиги.

Қайд этилишича, 1 октябрь ҳолатига кўра, йил бошидан бери 74 минг қочқин Швецияда бошпана сўраган. Бу ҳақда мамлакатнинг миграцион бошқармасида маълум қилинди.     

Маълум қилинишича, бу тенденция сақланиб қолса, бошпана сўровчилар сони 84 минггача етиши мумкин. Бошқарма маълумотларига кўра, қочқинларнинг учдан бири Сурия фуқаролари ҳисобланади. Улардан кейин сон жиҳатидан афғонистонлик қочқинлар кўпчиликни ташкил қилмоқда.   

2014 йилда 9,8 млн аҳолига эга Швеция 81 минг қочқинни қабул қилган.