Сурия армияси Хама вилоятининг жанубида кенг миқёсли аксилтеррор операциясини ўтказишга тайёргарлик кўрмоқда. Бу ҳақда РИА Новости агентлиги хабар бермоқда.
Вилоятда жойлашган зирҳли танк қисми командири Бассам Аҳмад Майрубнинг сўзларига қараганда, бу операциядан кўзланадиган асосий мақсад Хумс ва Хама шаҳарларини боғлайдиган трасса хавфсизлигини таъминлашдир. Шаҳарлар айни пайтда ҳукумат қўшинларининг назорати остида турибди. Аммо улар орасидаги аҳолижойлар “Жабҳат ан-Нусра” ва ИШИД сингари террорчи ҳаракатларнинг таянчи ҳисобланади.
Шунингдек, чоршанба куни ўтказилган махсус операция чоғида “Жабҳат ан-Нусра” ҳаракатининг 107 жангариси ва 3 командири ўлдирилгани ҳақида маълумот берилди.