Голливуд актёри маҳрум Робина Уильямснинг уч фарзанди билан қолган беваси актёрнинг Калифорния штатида қолган кўчмас мулки билан содир бўлган низони ҳал этди. Бу ҳақда Ассошиэйтед пресс агентлиги хабар бермоқда.


Беванинг вакили Жим Уагстаф (Jim Wagstaffe)нинг маълум қилишича, Сьюзан Уильямс актёр билан бирга ҳаётларини ўтказган уйда қолади ва умрининг охирига қадар моддий нафақа олиб туради. Бундан ташқари унга Уильямснинг қўл соатини, вилосапед ва тўйларидан кейинги асал ойида олинган совғаларни жўнатишади.

Илгари бева Калифорниядаги уйдан Робинни эслатувчи бирорта ҳам буюмни қолдирмасликка аҳд қилганди. Болалари унинг бу қилмишини “ярага туз сепиш”, деб баҳолашган эди.

Эслатиб ўтамиз, актёр 2014 йилнинг 12 августида Калифорниянинг Тибурон шаҳрида жойлашган ўз уйида ўз жонига қасд этган эди. Уильямс 1998 йилда “Оскар” ҳамда беш карра “Олтин глобус” мукофотларини қўлга киритган.