Испания Примерасининг 7-турида “Севилья” ўз майдонида “Барселона”ни 2:1 ҳисобида мағлуб этди. Майдон эгалари Микаэл Крон-Делининг 52-дақиқадаги голи эвазига ҳисобда олдинга чиқиб олдилар. 58-дақиқада севильяликларнинг яна бир футболчиси Висенте Иборра ҳисобни 2 гол фарқига етказиб қўйди. Меҳмонлар битта жавоб тўпини қиритишга муваффақ бўлдилар: 77-дақиқада Неймар пенальтини аниқ амалга оширди.

Бу ғалаба “Севилья” бош мураббийи Унаи Эмерининг ““Барселона” устидан илк ғалабаси бўлди. Айни кунгача Эмери жамоаси “Барса”га 14 та ўйинда мағлуб бўлиб, 6 тасида дуранг ўйнаган. “Севилья” чемпионатда кетма-кет иккинчи ғалабасига эришиб, 8 очко билан мусобақа жадвалининг 10-ўринига кўтарилиб олди, “Барса” эса 15 очко билан 3-ўринни эгалламоқда.

Испания Примераси. 7- тур
Севилья – Барселона – 2:1
Голлар: Крон-Дели, 52 (1:0); Иборра, 58 (2:0); Неймар, 74 (2:1, пен).