“Кексаларни эъзозлаш йили” давлат дастури доирасида жорий йилнинг 9 ойи мобайнида ёши катта инсонларни ёппасига гепатит Вга қарши эмлаш амалга оширилди.

Профилактика мақсадларида ижтимоий кўмакка муҳтож кексалар орасида гуманитар ёрдамга таянилган ҳолда 107.8 минг долларлик 15 минг дона гриппоз вакциналари, 3.5 млн долларлик 677 минг дона гепатит Вга қарши вакциналар етказилди.

Соғлиқни сақлаш вазирлигининг хабар қилишича, 23 мартдан 1 апрелга қадар ўтказилган эмлашнинг 1-турида 200 минг кекса инсонга вакциналар киритилди. 2-турда (23 апрелдан 23 июнга қадар) гепатит Вга қарши 100 фоизлик қамровга эга эмлаш ўтказилди. 23 июндан 1 июлгача бўлиб ўтган 3-тур доирасида талабалар ва тиббиёт ходимларининг 61.2 фоизи эмланди.