Португалия терма жамоаси ва “Реал” клуби ҳужумчиси Криштиану Роналду 208 та учрашувда 324 та тўп уриб, бу борада мадридликларнинг собиқ ҳужумчиси Раулдан ўзиб кетиб, клуб тарихидаги энг яхши тўпурарга айланди.

Роналду “Реал”га 2009 йилнинг ёзида “Манчестер Юнайтед”дан ўтган. Шу вақтдан бошлаб, у “қаймоқ ранглилар” урган жами голларнинг 40 фоизини ўзи амалга оширган.

Қайд этиш жоизки, Роналду “Реал” таркибида урган голларидан 220 тасини ўнг оёқда, 55 тасини чап оёқда ва 47 тасини бош билан урган. Пенальтидан 60 та гол урган. Яна 25 та голини жаримадан киритган. Бундан ташқари, КриРо “Атлетик” дарвозасига бир марта қўли билан тўп уришга ҳам муваффақ бўлган.