McDonald's ва Coca-Cola компаниялари Йозеф Блаттерни ФИФА президенти лавозимидан кетишга чақиришяпти, деб маълум қилмоқда Reuters ахборот агентлиги.

“Блаттер билан ўтган ҳар бир кун ФИФА нуфузига зиён келтирмоқда”, дейилмоқда компаниялар берган баёнотда.

“ФИФА тубдан ва зудлик билан ислоҳ қилинишни талаб қилмоқда ва бунга фақат ҳақиқатан мустақил ёндашув орқали эришиш имкони бор”, деб айтилмоқда Coca-Cola компаниясида.

Аввалроқ Блаттер 26 февралда ФИФАнинг янги президенти сайлови бўлиб ўтгунча ФИФА президенти лавозимида қолиши маълум қилинганди. Бу ҳақда Блаттернинг жамоатчилик билан алоқалар бўйича собиқ маслаҳатчиси Клаус Штолкер маълум қилган.

Маълум бўлишича, Швейцария бош прокуратураси Блаттерга қарши жиноий иш очган. Блаттер масъулиятсизлик ва талон-тарожликда айбланмоқда.