Юзлаб қозоғистонлик ҳожилар учун ҳаж зиёрати катта маш-маша билан якунланди. Уларнинг бари Жидда аэропортида ушлаб қолинди. Улар бундан уч-тўрт кун муқаддам уйларига қайтишлари керак эди, аммо нима учундир рейслар кўчирилган.

Натижада қозоғистонлик ҳожилар ўз самолётларини аэропорт ҳовлисида кутишга мажбур бўлишган. “КТК”нинг хабар беришича, шу вақт мобайнида уларни бир марта бўлса ҳам таомлантиришмаган.
Алмас Аскаров:

— Шу пайтгача бизга ҳеч ким таом бермади. Нонушта ҳам, тушлик ҳам йўқ. Кун давомида ҳеч нарса емадик. Орамизда 75 ёшлар атрофидаги кекса кишилар ҳам бор. Кексалар орасида қон босими ва юрак хасталиги билан безовталанаётганлар ҳам топиляпти.
Бу ишларни бизнинг мамлакат қандай қарши олар экан. Ҳаж зиёратига бориб келишни ташкиллаштиришга ҳиссасини қўшган турагентларни бу ишларда мутлақо алоқаси йўқ.

Улар ҳожилар олдидаги ўз вазифаларни сидқидилдан адо этишди. Барчасига Саудиянинг авиакомпаниялари сабабчи.
Асель Нуркебаева, Қозоғистон турагентликлари ассоциацияси президенти
— Авиакомпания FlyNas чаптер рейсларини ортиқча жойларсиз ташкил этган. Унинг иккинчи борти йўқ ва у битта самолётга бириктирилган. Бу қонунга мутлақо зид. Чунки қонунда қўшимча борт бўлиши аниқ этиб ёзиб қўйилган.

Алтинбек Утисханули, Қозоғистон мусулмонлари диний бошқармаси ДУМКнинг умумий ишлар бўйича бўлим бошқарувчиси:
— Улар янги ой чиқишига қараб кунни белгилашади. Янги ойнинг чиқмагани сабаб улар парвозни кечиктиришяпти. Айни дамла парвоз ушланиш вақти 18 соатга яқин, алоҳида йўналишлар учун эса 24 соатни ташкил этмоқда.