Россия ҳарбий авиацияси Сурияда “ИШИД”нинг 50 дан кўпроқ объектини нишонга олиш мақсадида 60 дан кўпроқ парвоз амалга оширди, деб хабар берди журналистларга 3 октябрда Россия Қуролли кучлари Бош штаби Бош тезкор бошқармаси бошлиғи, генерал-полковник Андрей Картаполов.

Россия 30 сентябрдан бошлаб Сурияда “ИШИД”нинг объектларига авиазарбалар бериб келмоқда. Нишонлар Россия ва Сурия разведкаси маълумотларига таянган ҳолда танланмоқда.
Аввалроқ Россия Мудофаа вазирлиги Россия самолётлари қуроллари фуқаролик объектларига нисбатан ёки уларнинг ёнида қўлланмагани ва фақатгина “ИШИД”нинг позицияларига ҳаво разведкаси ва Сурия армияси штабидан олинган маълумотлар бўйича қўлланганини маълум қилганди.