Россия ҳукуматининг “ИШИД” халқаро террорчилик ташкилотига қарши уруш очиши муносабати билан унинг кўпфункцияли Су-30СМ ва қирувчи-бомбардимончи Су-34 самолётларига қизиқиш кучайиб кетди. Шу ва шунга ўхшаш ҳарбий воситалар жангариларга қарши курашда Сурия армиясига катта ёрдам бериши мумкин, деб ёзади Америка ОАВлари.
The National Interest нашрининг ёзишича, Суриядаги ИШИД жангариларига қарши ҳаракатларда Су-25СМ зирҳли ҳужумчи самолёти ғолиб чиқиши мумкин.

Су-25СМ худди америкалик издоши сингари қўшинни тўғридан-тўғри қўллаб-қувватлаш учун махсус лойиҳалаштирилган. Су-25СМнинг учувчи ўтирувчи хонаси ойналари зирҳдан иборат ва у турли қатламларга эга. The National Interest’нинг ёзишича, Россия ҲҲК Су-25СМ’ни ҳар томонлама модернизация қилган. Бу ишлар доирасида зирҳли ойналар, ГЛОНАСС навигация йўлдошли тизими, юқори аниқликда қуролларни бошқара оладиган замонавий авиониклар билан жиҳозланган.

“Россия самолётлари чўчийдиган ягона нарса, – уларнинг ўрта баландликда учишидир. Бу уларнинг “ИШИД” оғир артиллерияси нишонига айлантириши мумкин. Агар Россия ҳаво кучлари ва Сурия ҳукумат кучлари биргаликда аниқ ҳаракат олиб боришса, самарали иш амалга оширилиши мумкин бўлади”, деб қўшимча қилди нашр.
“Россиянинг Сурияда олиб бораётган кампаниясининг бош қаҳрамони 100 фоиз Су-25СМ бўлиши айтилмоқда.

Ўнлаб мана шундай машиналар олиб борилаётган ҳаракатларнинг муваффақиятини таъминлашга хизмат қилади”, деб ёзади муаллиф.
The National Interest’нинг таъкидлашича, Россия авиацияси операцияларида Су-24 бомбардимон самолёти ҳам муҳим роль ўйнаши мумкин. У асосан жангарилар билан қуршалган туманларда фаол ҳарбий ҳаракатлар олиб бориши мумкин.