Афғонистоннинг Қундуз шаҳрида “Чегарасиз шифокорлар” халқаро гуманитар ташкилот офисига ҳаводан бомба ёғдирилиши тасодиф бўлмади. Бу ҳақда ташкилотнинг Италия бўлинмаси бош директори Габриэль Эминенте айтиб ўтди.

“Координаталаримизни барча билар эди, улар ҳарбий ҳаракатлар арафасида тасдиқланган эди. Охирги хабар 29 сентябрга дахлдор. Бу бизнинг одатий амалиётимиз: биз қаерда ва қандай ишлаётганимизда ҳамма билиши лозим”, - деди Эминенте.

Унинг таъкидлашича, шифохона бир соат мобайнида бир неча маротаба ўққа тутилган.
“Самолёт бомба ташлаб кетар, навбатдаги зарбани бериш учун яна қайтиб келар эди”, - тушунтирди тиббиёт арбоби.

Эслатиб ўтамиз, ташкилотнинг Қундуздаги авиазарбалар оқибатида зарар кўрган шифохонасида 12 нафар шифокор ва 7 нафар бемор ҳалок бўлгани хабар қилинган эди.