Яманда амалга оширилган ракета ҳужуми оқибатида ҳалок бўлган БАА ҳарбий хизматчилари сони 54 кишига етди. Бу ҳақда WAM ахборот агентлиги хабар берди.

Мамлакат қуролли кучлари олий қўмондонлигининг маълум қилишича, ҳужум чоғида яраланган 2 нафар ҳарбий Германиядаги шифохонада оламдан ўтган. Қолган 52 хизматчи воқеа жойида жон берган бўлиб, уларнинг таналари БААга қайтарилди.

Ракета ҳужуми сентябрь ойининг бошида Мағриб вилоятида амалга оширилди. Исёнчи хусийлар учирган “ҳаво-ҳаво” ракетаси коалиция қароргоҳи яқинида портлаб, қурол-аслаҳа омборидаги портловчи ускуналар детонациясига олиб келди.

Қароргоҳда бўлган бир қанча Саудия Арабистони ва Баҳрайн ҳарбийлари ҳам ҳалок бўлди