Telegram мессенжери асосчиси Павел Дуров CNN телеканалига берган интервьюсида Австралияда террорчилар мессенжердан фойдаланмоқчи бўлишганини баён қилди.
Унинг сўзларига қараганда, 2015 йилнинг апрелида икки ёш экстремист Мельбурнда ҳар йили ўтказиладиган АНЗАК куни паради иштирокчисининг бошини танасидан жудо қилмоқчи бўлишган. Улар хатти-ҳаракатларини Telegram орқали мувофиқлаштириб борган.
Жиноят ташаббускори 14 ёшда, унинг шериги эса 18 ёшда бўлган. 14 ёшли бола Буюк Британияда, унинг “буюртмачи”си эса Австралияда яшаб келган. Ўсмирлар терактни муҳокама қилиш асносида бир-бирларига 3 мингта хабар йўллашган.