Қирғизистон ички ишлар вазирлиги мамлакат парламентига ўтадиган сайловларга тайёргарлик ҳамда сайловолди кампания давомида партиялар томонидан 70 маротаба қонунбузарликларга йўл қўйилганлигини айтиб ўтди. Бу ҳақда вазир ўринбосари Нурбой Қосимбоев баёнот берди.

“Жами 70та ҳолат рўйхатга олинди. Улардан 6таси бўйича жиноий ишлар қўзғатилди, тергов олиб борилмоқда. Айрим материаллар Марказий сайлов қўмитасига узатилди”, - унинг сўзларини келтиради РИА Новости агентлиги.

Парламентдаги 120 ўрин учун 14 партия баҳслашмоқда. Номзодларининг умумий миқдори 2.5 минг кишини ташкил қилади. Қонунчилик органининг асосий таркибига кириш учун партиялар камида 7 фоиз овоз тўплашлари талаб қилинади. Овоз бериш 12 соат давом этади.