Қирғизистонда парламент сайловларига овоз бериш якунига етди. ТАССнинг хабар беришича, республика Марказий сайлов ва референдумлар комиссияси сайлаовларда 42 фоиз фуқаро қатнашганини маълум қилган.

Қирғизистондаги парламент сайловларига рўйхатдан ўтган партияларгина қатнашди. Парламентнинг 130 ўринли янги таркибида ўрин олиш учун 14 та сиёсий партия иштирок этди. Бунинг учун уларга фуқароларнинг 7 фоизли овози ҳамда республика вилоятлари ҳамда Бишкек ва Ош шаҳарларидан 0,7 фоиз овоз тўплашга тўғри келди.

Мамлакатда 2,761 млн сайловчи рўйхатдан ўтган бўлиб, овоз бериш жараёнлари биометрик рўйхатдан ўтиш орқали бўлиб ўтди.