“Чегарасиз шифокорлар” ходими Афғонистоннинг Қундуз шаҳрида амалга оширилган авиазарбалар ташкилотнинг тиббий марказида қандай акс этганини ҳикоя қилиб берди.

“Тунги соат 2:00да портлашдан уйғониб кетдик, - дейди тиббиёт биродари Золтан Лайош. – Дастлаб мен нималар бўлаётганини тушунмадим. Ҳафта давомида бомбардимон ва портлашларни эшитиб келдик, аммо булар биздан узоқда бўлаётан эди. Бу сафар ҳаммаси ўзгача бўлди”.

“Шифохона ходимлари нима бўлганини тушунишга ҳаракат қилганича, бомбардимон давом этди. Мен қонига бўғилиб қолаётган ҳамкасбимни топиб олдим. Унга ёрдам зарур эди. Госпитал вайрон бўлди”.

Тирик қолганлар ярадорларга ёрдам кўрсатишга ҳаракат қилишди. Венгриялик кўнгилли шифокорнинг таъкидлашича, уларнинг кўз олдида ҳамкасблари жон таслим қилаётган эди.

“У ерда содир бўлган даҳшатларни таърифлайдиган сўзларни топиш мушкул, - хулоса қилди гувоҳ. Айрим шифокорлар ҳеч нарса қила олмай, фақат дод солиб йиғлар эди. Интенсив терапия бўлимида олти мижоз ётган жойларида ёниб кул бўлаётган эди...”.
Эслатиб ўтамиз, ташкилотнинг Қундуздаги авиазарбалар оқибатида зарар кўрган шифохонасида 12 нафар шифокор ва 7 нафар бемор ҳалок бўлгани хабар қилинган эди.