Россиянинг меҳмонхоналардан онлайн жой банд қилиш Oktogo.ru хизмати рус сайёҳлари ўртасида МДҲ ва яқин хориж мамлакатларидаги қайси тоғ-чанғи курортлари кенг оммалашганини аниқлаб чиқди.

Мазкур рейтинг 2016 йил 1-10 январдаги янги йил таътили кунлари давомида мустақил саёҳат қилувчи туристлар томонидан меҳмонхоналарнинг олдиндан банд қилингани тўғрисидаги маълумотлар асосида тузиб чиқилди.
МДҲ давлатларидаги энг оммавий 10та тоғ-чанғи курортлари рўйхатига Ўзбекистон, Қозоғистон, Белорусь, Арманистон, Қирғизистон, Грузия ва Украинадаги тоғ-чанғи комплекслари ўрин эгаллади.

Мазкур рўйхатнинг 9- бандидан ўрин олган Чимён, айни пайтда, МДҲдаги қишки таътил учун энг арзон жойлардан бири сифатида ҳам эътироф этилди.
Ушбу топ-10таликни Қозоғистоннинг Шимбулак тоғ-чанғи курорти бошлаб берди. Шунингдек, Цахкадзор (Арманистон), Логойск (Белорусь), Қараўл (Қирғизистон), Гудаури (Грузия), Буковель (Украина), Бакуриани (Грузия), Олтой Альплари (Қозоғистон) ва Силичи (Белорусь) курортлари ҳам ўрин эгаллади.

Энг арзон тоғ-чанғи курортлари рўйхатини эса Логойс ва Силичи кунига ўртача 47 доллар сарфланиши билан бошлаб берди. Ушбу рўйхатда Чимён бир кунда унча арзон бўлмаган меҳмонхонада бир тунаш, кечки таом ва ски-пасс (тепаликдан муайян масофага чанғи ёки сноубордда тушиш) харажатлари 51 долларни ташкил этиб, учинчи ўринда қайд этилди. Шимбулоқ эса мазкур харажатлар учун ўртача 95 доллар талаб қилиб, рўйхатни якунлаб берди.