5 октябрь куни НАТО Россиянинг Суриядаги ҳаракатлари юзасидан навбатдан ташқари йиғилиш ўтказади. Бу ҳақда расмий сайтда эълон қилинган НАТО бош котиби Йенс Столтенбергнинг мурожаатида маълум қилинди.

“Россиянинг ҳаракатлари минтақада хавфсизлик ва барқарорликни келтириб чиқармайди”, - деди Столтенберг.

Шунингдек, алянс Россия томонидан Туркия ҳаво ҳудудларининг бузилгани масаласини ҳам муҳокама қилади. Хабар қилинишича, Столтенберг Туркия Ички ишлар вазири Фаридун Синирўғли билан учрашув ўтказган.

“Мен Россияни алянс билан қарама-қаршиликлардан қочиш учун НАТО ҳаво кенгликларини тўлиқ ҳурмат қилишга чақираман”, - деди Столтенберг.

Аввалроқ Россиянинг Туркиядаги элчихонаси ўз ҳарбий самолётлари ушбу мамлакат ҳаво чегаралари дахлсизлигини бузганлигини тан олгани хабар қилинган эди.