Бугун, 5 октябрь куни Шимолий Кореяда Жанубий Корея республикаси фуқароси бўлган 21 ёшли талаба озодликка чиқарилади ва ватанига қайтарилади. Бу ҳақда жануб матбуоти хабар бермоқда.

21 ёшли Вон Мун Чу Нью-Йорк университети талабаси ҳисобланади. У АҚШ вакиллигига эга.

У шу йилнинг апрелида Шимолий Корея ва Хитой чегарасида мамлакат ҳудудига ноқонуний равишда киришда айбланиб, қўлга олинганди.

Сеулда маълум қилинишича, ушбу талаба чегарада жойлашган қишлоқлардан бири орқали мамлакатга қайтади.

Бундан олдинроқ, Чу АҚШ ҳукумати ва Жанубий Корея республикасини КХДР билан душманликни тўхтатиш ҳамда бу давлатни тан олишга чақирганди.

Шунингдек, Вон Мун Чу КХДР ҳукумати томонидан меҳрибонлик кўргани ва АҚШдаги ўқишини давом эттириш истагидалигини айтиб ўтган.