«ПСЖ» ҳужумчиси Златан Иброҳимович "Марсель"га қарши кечган учрашувда икки марта пеналтидан унумли фойдаланишга муваффақ бўлди ва жамоасига ғалаба келтирди (2:1).

Шу тариқа швециялик 34 ёшли ҳужумчи парижликлар сафида ўтказган 137 учрашувида урган голлари сонини 110тага етказиб олди ва клуб тарихидаги энг яхши тўпурар Педро Паулетадан ўзиб кетди (109та гол).

Шунингдек, Иброҳимович "ПСЖ" ва "Марсель" ўртасида кечган учрашувлар тарихида ҳам энг яхши тўпурар бўлиб турибди (8та гол).

Маълумот учун, Паулета парижликлар сафида 2003 йилдан 2008 йилга қадар фаолият кўрсатган эди. Иброҳимович эса 2012 йилда «Милан»дан «ПСЖ»га ўтган.