Европа Иттифоқи ўз ҳудудига қочқинлар билан бирга террорчиларнинг кириб келишига қарши курашиш мақсадида қочқинларнинг бармоқ изларини олади, деб маълум қилди 5 октябрда Европа комиссияси раисининг биринчи ўринбосари Франс Тиммерманс.

Аввалроқ Тиммерманс жиноятчилар шак-шубҳасиз ҳозирги миграцион инқироздан фойдаланиб, Европага киришга ҳаракат қилишини айтиб ўтганди.

Тиммерманс Европа Иттифоқининг Европада террорчилик ташкилотлари вакилларининг қочқинлар оқими билан кириб келишига қарши курашиш усуллари ҳақида изоҳ бериш ҳақидаги мурожаатга Европа Иттифоқи бундай хавфни "оддийгина" бартараф этишини айтди. "Европага келган барча қочқинлардан бармоқ изларини олиш билан. Агар бу синчковлик билан амалга оширилса, террорчиларни чиқариб ташлаш мумкин", деб таъкидламоқда Тиммерманс.

Тиммерманснинг айтишича, агар ҳамма ўз ишини сидқидилдан бажарса, террорчиларнинг Европада пайдо бўлиш эҳтимоли минимумга келтирилади. "Террорчилар агар келишгандан кейин улардан бармоқ излари олинишини билишса, бу йўлдан фойдаланишмайди", деб айтмоқда Европа комиссияси вакили.