6 октябрь куни ҳолатига кўра, 4 сентябрь кунига ўтар кечаси Гватемалада юз берган ер кўчкиси оқибатида ҳалок бўлганлар сони 152 нафарни ташкил этмоқда. Бу ҳақда расмий манбаларга асосан Рейтер нашри хабар берган.

Шунингдек, Санта-Катарина-Пинула муниципалитетида юз берган ушбу фожиа туфайли 300 нафарга яқин киши бедарак кетган, деб ҳисобланмоқда.

Воқеа жойида иш олиб бораётган қутқарувчилар тупроқ остида қолган уйларга етиб боришга ҳаракат қилишмоқда. Ушбу жараёнда 250 нафардан ортиқ қутқарувчилар ишламоқда. Бу жараёнга ўнлаб исковуч итлар ҳамда ўнлаб техник воситалар жалб қилинган.

Ушбу ер кўчкиси туфайли 125та уй тупроқ остида қолган.

Ер кўчкиси келтирган моддий зарар тўлиқ ҳисоблаб бўлинмаган.