ИШИДнинг бир нечта террорчилари Саудия Арабистонидаги ўз қариндошларини, агарда улар “пушаймон бўлмаса”, ўлдиражакларини айтиб таҳдид қилишди. Бу видео ижтимоий тармоқларда тарқалиб кетди.

Бир неча кун муқаддам саудиялик Саъд ал-Анзий ўзининг амакиваччаси Мадус ал-Анзийни ўлдирган эди. Ийд ал-Адҳа куни содир этилган бу жиноят Саудия аҳлини даҳшатга туширди. Орадан икки кун ўтиб, қотил қўлга олинди.

Видеода ИШИДнинг Саудия бўлинмаси аъзоси Жамир ал-Хамалий ал-Анзий кўрсатилади. У қироллик ҳудудида ишлайдиган қариндошларига таҳдид қилади.
Гап шундаки, ал-Хамалийнинг оиласи ундан воз кечиб, бу ҳақда матбуотга баёнот берган эди.
Хамолий 6 йилга қамоқ жазосига ҳукм қилиниб, кейинроқ озод қилинган эди. Шундан сўнг у Сурияга йўл олди.