Шимолий Кореядаги беш ойлик қамоқдан сўнг АҚШнинг Нью-Йорк шаҳрида таҳсил олувчи 21 ёшли талаба озодликка чиқарилди. Айни пайтда у Жанубий Кореяда, деб ёзмоқда New York Magazine.

Жанубий Корея фуқароси ҳисобланган Чжу Вон Мун доимий равишда АҚШда истиқомат қилади. Нью-Йоркдаги бизнес мактабини тамомлагандан сўнг у Хитой орқали Шимолий Кореяга саёҳат қилишга қарор қилган ва 2015 йилнинг 22 апрель куни ҳибсга олинган.

Чжу Вон Муннинг маълум қилишича, у ўзининг ҳаракатлари ноқонуний эканини билмаган, бироқ мазкур ҳодиса Шимолий ва Жанубий Корея ўртасидаги муносабатларга яхши таъсир кўрсатишига умид билдирди.
Айни пайтда Жанубий Корея ҳодиса тафсилотларини ўрганмоқда.