Ливия қирғоқлари яқинида 1,8 мингдан ортиқ муҳожир қутқариб олинди

Жаҳон 06 Октябрь 2015 1186

Италия, Буюк Британия ва Ирландия кемалари Ливия қирғоқлари яқинида 1,8 мингдан ортиқ муҳожирни чўкиб кетишдан сақлаб қолди. Бу ҳақда Италия соҳилбўйи хизматига асосланган ҳолда Agence France-Presse хабар берган.

Маълум қилинишича, 6та қутқарув амалиёти орқали жами 1830 киши қирғоққа олиб чиқилган.

Қайд этилишича, 7 октябрь кунидан бошлаб Ўрта Ер денгизи ҳудудида Европа Иттифоқига тегишли кемалар ҳаракатлана бошлайди. Бу кемалар ҳудуд орқали кема ва қайиқларда муҳожирларни ноқонуний равишда Европа ҳудудига олиб ўтадиган жиноятчиларга қарши курашади.

Кўпроқ янгиликлар