Англиянинг «Челси» клуби бош мураббийи Жозе Моуриньо 2013 йилда мамлакатнинг бошқа бир жамоаси «Манчестер Юнайтед»ни бошқаришга рози бўлмагани борасида ўз фикрларини билдириб ўтди.

«Ҳар қандай мураббий «Манчестер Юнайтед» катта клуб сифатида эътироф этади. Аммо мен «Челси»га қайтишни истагандим».

«Биз сэр билан «Манчестер Юнайтед»га ўтишимизни муҳокама қилмаганмиз. Биз Фергюсон билан ўзаро очиқ гаплашардик. У мен ҳақимда жуда кўп нарсаларни биларди. У деярли бутун мавсум мени «Реал»дан кетиб, «Челси»га қайтишни хоҳлаётганимни биларди».

«Фергюсон менга кетишидан бир ёки икки ой аввал бу қарорини гапириб берганди. Ўшанда бу ҳали жуда катта сир эди. Шунда тушунгандимки, у менга ишонарди», – дея Моуриньонинг BBCга берган интервьюсидан парча келтиради Goal.com интернет нашри.