Ўзбекистонлик муфтий дунёдаги энг нуфузли мусулмонлар қаторида эътироф этилди

Жамият 06 Октябрь 2015 7161

Ўзбекистон бош муфтийси Усмонхон Алимов Иорданиянинг Амман шаҳридаги Қироллик стратегик ислом тадқиқотлар маркази томонидан тузилган дунёнинг энг нуфузли мусулмон кишилари рўйхатида қайд этилди.

Nuz.uz нашрининг маълум қилишича, ушбу рўйхатнинг энг юқори қисмидан Иордания қироли Абдулла Иккинчи ибн ал-Ҳусайн жой олган. Ундан кейин эса Қоҳирадаги "Ал-Азҳар" университети имоми шайх Аҳмад Муҳаммад ал-Тойиб номи келтирилган.

Бу рўйхатнинг учинчи ўрни Саудия Арабистони қироли Салмон ибн Абдул Азизга насиб этган.

Бу рўйхат ўнлигида Туркия раҳбари Ражаб Тойиб Эрдўған, Туркманистон президенти Гурбангули Бердимуҳаммедов, Озарбайжон президенти Илҳом Алиев, Татаристон раҳбари Рустам Минниханов, чеченлар етакчиси Рамзан Қодиров ҳамда Тожикистон президенти Эмомали Раҳмон ҳам ўрин олган.

Қайд этиш керакки, бундай рўйхат 2009 йилдан буён тузиб келинади. Унда ислом дини учун хизмат кўрсатган дин, маданият, санъат, спорт ва сиёсат арбоблари келтирилади.

Ўзбекистон Мусулмонлар идораси расмий сайти маълумотларига кўра, Усмонхон Алимов 1950 йил 1 январда Самарқанд вилоятида туғилган бўлиб, 1982—83 йилларда Бухородаги «Мир Араб» мадрасасида, 1983—87 йилларда эса Тошкент ислом институтида, 1989—90 йилларда Марокашдаги «Каравайин» университетида таҳсил олган. 1987—2000 йиллар давомида Пайариқ туманидаги «Имом Бухорий» масжидида имом-хатиб, 2000 йилдан эса Ўзбекистон Мусулмонлар идорасининг Самарқанддаги бош вакили вазифасида фаолият олиб борган. 2006 йил 8 август куни эса Усмонхон Алимов Ўзбекистон мусулмонлари идораси раиси, муфтий лавозимига тайинланган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53034 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 68683 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36267 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20839 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79061 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61233 Жамият
Бекободда сайёр қабул: ўн мингга яқин мурожаат жойида кўриб чиқилди
22:01 170 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 120 Жамият
Европа Иттифоқининг Британияда яшовчи фуқароларига депортация қилинишлари ҳақида хатлар юборилди
21:50 274 Жаҳон
Расман: Samsung Galaxy Note8 намойиш қилинди (суратлар)
Кўпроқ янгиликлар